Avto

Saat formasında disk hazırlandı - FOTO

29 Noyabr 2025 10:00

Baxış: 1 421

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #AVTO #ROLLS-ROYCE GROUP PLC #AVTOMOBİL

"Rolls Royce" bu dəfə qeyri adi səbəbdən diqqət mərkəzinə düşüb.

Milli.Az xəbər verir ki, Almaniyalı sənətkar Klaus Koenigsallee öz "Phantom VIII Series II" modelini daha da gözə çarpan etmək üçün avtomobilin üzərində "Rolex Submariner" saatının çərçivəsini xatırladan xüsusi disklər quraşdırıb.

Məlumata görə, modifikasiya məşhur "Novitec" atelyesi tərəfindən həyata keçirilib. Şirkət təsdiqləyib ki, hər bir disk SP3 seriyalı baza təkər dəstinin üzərində hazırlanıb və "Submariner" modelinə xas olan iri işarələr, relyefli kənar forması və birbaşa dalğıc saatlarını xatırladan dizayn elementləri ilə tamamlanıb.

Disklərin mərkəzində "Klaus" yazısı, eləcə də alman dilində "Königsalleedə sevimli zərgəriniz" ifadəsi yer alır. Bu, Düsseldorfun məşhur lüks alış veriş küçəsinə işarədir.

Qeyd edək ki, avtomobil əvvəllər iri gümüşü SP3 disklərlə diqqət çəkirdi. Lakin yeni görünüşü ilə Rolls Royce artıq sadəcə zəriflik deyil, həm də sahibinin bahalı saatlara olan xüsusi sevgisini nümayiş etdirən bir reklam lövhəsinə çevrilib.

Avto istehsalçıları ilə saat brendlərinin əməkdaşlığı yeni deyil. Lakin ilk dəfədir ki, məşhur saat modelinin üzü bu qədər açıq şəkildə bir avtomobilin xarici görünüşündə istifadə olunur.

İsmayıl
Milli.Az