Avto

Sürücülərin diqqətinə - Artıq bu avtomobillər yığışdırılır - VİDEO

3 Dekabr 2022 15:34
Baxış: 3 160

Ölkəmizdə istehsal ili köhnə və istismara yararsız avtomobillərin sayı kifayət qədərdir. Belə avtomobil sahibləri nəqliyyat vasitələri ilə bağlı veriləcək qərarı səbirsizliklə gözləyir. Ekologiya və təbii sərvətlər nazirinin müşaviri Rasim Səttarzadə deyir ki, bunun üçün həmin avtomobillərdə aparılan qiymətləndirmə əsasında, həmçinin nəqliyyat vasitəsinin növünə uyğun olaraq sahibinə vauçer veriləcək. Vətəndaş Həmin Vauçerlə ölkəmizdə fəaliyyətdə olan avtomobil dilerləri və distribütorlarından yeni nəqliyyat vasitəsi ala biləcək.

Məsələ ilə bağlı "ATV Xəbər" maraqlı süjet hazırlayıb.

Rasim Səttarzadə - Ekologiya və Təbii Sərvətlər Nazirinin müşaviri: "Yeni avtomobil alarkən, həmin məbləğ qədər onlara güzəşt olunacaq. Yəni deyək ki, hər hanısa avtomobil 20 min manatdırsa, ona 2 min manat pul veriblərsə, artıq o avtomobil üçün 20 min manat yox, 18 min manat ödəyəcək. Onu müxtəlif cür çek də adlandırmaq olar. Ola bilsin ki, hər hansısa köhnə avtomobil sahibi bunu təhvil vermək isytəyir və eyni zamanda artıq avtomobil almaq fikri yoxdur. Onda ona başqa şərtlərlə pul qismində də verilə bilər".

Nəqliyyat üzrə ekspert Eldəniz Cəfərov hesab edir ki, utilizasiya prosesinə tam yararsız avtomobillərdən başlanılmalıdır və proses mərhələli şəkildə icra edilməlidir.

"2 mərhələli prosses aparıla bilər, istismarda olan avtonəqliyyat vasitələri istismarda olmayan və artıq metalloma çevrilən nəqliyyat vasitələri, istənilən halda utilizasiyaya gedəcək avtomobillər könüllük əsasında həyata keçirildiyinə görə, burada nəqliyyat vasitəsinin ili əsas götürülməyəcək. Söhbət onun artıq istismar edilməməsindən, bugünkü təhlükəsizlik və müasir ekaloji standartlara cavab verməyən avtomobillərin utlizasiyasından gedir".

Ekspert deyir ki, avtomobillərin utilizasiyası böyük sosial-iqtisadi proqramdır. Bu proqramı Çin, Rusiya, Yaponiya, ABŞ, Avropa ölkələrində icra etmək rahatdır. Bizim kimi avtomobil istehsalı zəif olan ölkələrdə tətbiq etmək isə elə də asan deyil. Vətəndaşlara stimullaşdırıcı təkliflər etmək lazımdır ki, sürücü avtomobilini təhvil verməkdə maraqlı olsun.

Qeyd edək ki, " İstismar müddəti bitən Nəqliyyat vasitələrinin utilizasiyası" proqramı layihəsi artıq hazırdır və dövlət qurumları ilə razılaşdırma mərhələsindədir. Proqramın icrası isə "2022-2026-cı illəri əhatə edəcək. Avtomobillərin təhvil verilməsi könüllülük prinsipi əsasında olacaq. Həmin avtomobillərin metal, şüşə və plastik hissələri təkrar emal olunaraq xammal kimi istehsalat dövriyyəsinə qaytarılacaq.

Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics