Ermənistan

Araikin “sağ əli” dindirildi

22 Noyabr 2023 12:33

Baxış: 1 122

VTB-də minimal faiz dərəcəsi ilə nağd kredit 10.49%-dən

#ERMƏNİSTAN #ERMƏNİ

Özünü buraxmış qondarma "Artsax"ın keçmiş "prezident"i Araik Arutyunyanın təhlükəsizlik və təxliyə məsələləri üzrə nümayəndəsi Vahan Badasyan dindirilmək üçün Ermənistan İstintaq Komitəsi çağırılıb.

Milli.Az yenisabah.az-a istinadən xəbər verir ki, bu barədə "Joqovurd" xəbər yayıb.

Qəzetin əldə etdiyi məlumata görə, o, Ermənistan Cinayət Məcəlləsinin 330-cu (Zorakılığa açıq çağırışlar, zorakılığa ictimai əsaslandırma və ya təbliğat, habelə bu məqsədlə material və ya məlumatların yayılması) maddəsi ilə dindirilib.

Nəşr yazır ki, o, bundan öncə separatçı rejimin "müdafiə ordusu"nun Hadrut müdafiə bölgəsinin birinci batalyonunun "komandir"i olub. Bildirilib ki, məlumatı onun müdafiəçisi Rafael Martirosyan da təsdiqləyib. Vəkil Badasyanın hansı cinayət işi üzrə dindirilməyə çağırıldığını açıqlamaq istəməyib.

KİV iddia edir ki, onun Ermənistan İstintaq Komitəsinə dəvət olunmasına səbəb sosial şəbəkə hesabında etdiyi paylaşımdır. Qəzetin hüquq-mühafizə orqanlarındakı mənbəsi qeyd edib ki, onun paylaşımı zorakılığa çağırış motivli olub. Lakin onun hansı paylaşıma görə istintaqa dəvət edilməsi hələlik məlum deyil.

Milli.Az

Xəbərlərimizi WhatsApp kanalımızdan da oxuyun