İdman

"Qarabağ"la "İnter"in oyunçuları şərikli rekorda imza atdılar

7 Aprel 2014 14:24
0 Şərh     Baxış: 1 019
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#İDMAN #AZƏRBAYCAN FUTBOLU
Mövsümün ən yaxşı bombardiri Reynaldo Silva və Baçana Sxadadze ardıcıl 3-cü oyunda qol vurublar. Azerisport.az xəbər verir ki, "Qarabağ"ın braziliyalı legioneri "Sumqayıt" və "Qəbələ" ilə qarşılaşmalarda dublları sıralamışdısa, AZAL-a 1 qol vurmağı bacarıb. Bu qol seriyası Reynaldonun Topaz Premyer Liqasında ilk belə uğurudur. Ötən iki turda "Qəbələ" və "Rəvan"ın hərəsinə 1 qol vuran "İnter"in gürcüstanlı hücumçusu Sxadadze bu dəfə "Simurq"un qapısına yol tapdı.

Bu cütlük ardıcıl 3 turda qol sevinci yaşamaqla mövsümün rekordunu da təkrarlayıb. Reynaldo ilə Baçanaya qədər "Qarabağ"ın hollandiyalı oyunçusu Leroy Corc və "Neftçi"nin braziliyalısı Karlos Kardoso da bunu bacarmışdı. Corc 24-26-cı, Karlos 14-16-cı turlarda ardıcıl hər oyunda 1 qol vurmuşdu.

Qeyd edək ki, Azərbaycan çempionatları tarixinin rekordu Yunis Hüseynova məxsusdur. Yarımmüdafiəçi ilk çempionatın startında ardıcıl 12 qarşılaşmada qol vurmaqla şərəfini qoruduğu "Neftçi"nin qələbələrində pay sahibi olmuşdu.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.