PUL
Bu gün səhər saatlarından etibarən Bakı-Sumqayıt yolunda dəhşətli tıxac yaşanıb.Xırdalan dairəsində sürücülər hərəkət istiqamətinin əksinə gediblər, sərnişinlər isə avtobuslardan düşərək piyada getməyə məcbur olublar
Milli.Az-ın anspress-ə istinadən məlumatına görə, Sumqayıtdan Bakı istiqamətində, Xırdalan qəbristanlığı ətrafında, Masazır yolunda, o cümlədən, Biləcəri qəsəbəsindən, Avtovağzala gedən yolda, eləcə də, "20 Yanvar" istiqamətində avtomobillərin hərəkəti, demək olar ki, dayanıb.
Xırdalan dairəsində sürücülər hərəkət istiqamətinin əksinə gediblər. Sərnişinlər isə avtobuslardan düşərək piyada getməyə məcbur olub.
Bir tərəfdən avtomobillərin havaya buraxdığı zəhərli tüstü, bir tərəfdən sürücülərin səsgücləndirici siqnallardan istifadə etməsi böyük gərginlik yaratmışdı. Yol polisləri də yaranmış dəhşətli mənzərənin əlində aciz qalmışdılar. Çünki avtomobillərin çoxluğu ilə yanaşı yollarda gedən təmir-tikinti işləri, eləcə də, səriştəsiz sürücülərin hərəkətləri yolun bağlanmasına səbəb olmuşdu.
Məsələ ilə əlaqədar Baş Dövlət Yol Polisi İdarəsinin (BDYPİ) ictimaiyyətlə əlaqələr şöbəsinin rəisi Kamran Əliyevin anspress-ə açıqlamasında Bakı-Sumqayıt yolunda həmişə tıxac olduğunu etiraf edib.
"Onsuz da həmin ərazidə həmişə avtomobil sıxlığı müşahidə olunur. Lakin bu gün həmin istiqamətdə tıxac olması barədə məlumat yoxdur. Bəlkə, hansısa avtomobil xarab olub, yaxud da, qəza baş verib. Bu üzdən həmin yolda daha çox sıxlıq olub", - deyə K.Əliyev vurğulayıb.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
