PUL
Milli.Az bildirir ki, bu barədə "Axar.az"a iş adamının hüquqlarını müdafiə edən vəkil Əkbər Bağırov açıqlama verib.AMAY Ticarət Mərkəzinin rəhbəri Abdulla Abdullayevin həbsi ilə bağlı apellyasiya şikayəti verilib
Onun sözlərinə görə, müdafiə tərəfi A.Abdullayevə qarsı irəli sürülən ittihamları qanunsuz və əsassız hesab edir:
"Abdulla Abdullayev Cinayət Məcəlləsinin 179.3.2 və 308.2-ci maddələrində nəzərdə tutulan cinayət əməllərini törətməyib və hec bir dövlət vəsaitini mənimsəməyib. Həmçinin, belə bir niyyəti də olmayıb".
Ə.Bağırov A.Abdullayevin həmin maddələrdə nəzərdə tutulan cinayət əməllərini törətməsi ilə bağlı informasiyaların yayılmasını onun Azərbaycan Respublikasının Konstitusiyasında və Cinayət Prosessual Məcəlləsində təsbit edilmiş təqsirsizlik prezumpsiyasının pozulması kimi qiymətləndirib. Vəkil, həmçinin A.Abdullayevin həbsini qanunsuz saydıqlarını vurğulayıb.
Xatırladaq ki, A.Abdullayevin işi İqtisadiyyat və Sənaye Nazirliyi yanında Sahibkarlığa Kömək Milli Fondundan daxil olmuş material əsasında Baş Prokuror yanında Korrupsiyaya qarşı Mübarizə Baş İdarəsində araşdırılıb. İlkin araşdırma zamanı toplanmış sübutlar əsasında onun barəsində Cinayət Məcəlləsinin 179.3.2 (mənimsəmə və ya israf etmə) və 308.2-ci (vəzifə səlahiyyətlərindən sui-istifadə) maddələri ilə cinayət işi başlanıb. Hazırda iş üzrə istintaq davam etdirilir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
