Cəmiyyət

"Guya Etibar Hüseynov özü Bakıda doğulub?!"

9 Aprel 2014 10:10
Baxış: 1 885
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#CƏMİYYƏT #MİLLƏT VƏKİLİ
"Bakıda rusların, ermənilərin mədəniyyət formalaşdırmağını bəziləri qana-qana deyir, bəziləri qanmaya-qanmaya. Rüstəm İbrahimbəyov öyrədilmiş şəkildə, əvvəlcədən Azərbaycana xüsusi missiya ilə göndərilmişdi və sonra da çıxıb getdi. İbrahimbəyov xüsusi təyinatlı emisar idi. Amma arzulamazdım ki, millət vəkili Etibar Hüseynov o cür acıqlama versin və sonra da gəlib üzr istəmək zorunda qalsın".

Milli.Az axar.az-a istinadən xəbər verir ki, bu sözləri BAXCP sədri Qüdrət Həsənquliyevin mediaya müsahibəsini statusa çevirən sədr müavini Niyaməddin Orduxanlı sosial şəbəkədə paylaşıb.

Q.Həsənquliyev daha sonra bildirib ki, Etibar bəy əvvəlcə üzr istəməyəcəyini bildirib: "Etibar bəy də, mən də, o cümlədən, Azərbaycanın siyasi elitasında və cəmiyyətin önündə olan şəxslərin 90-95%-i bölgələrdən gələn insanlardır. Guya Etibarın özü Bakıda anadan olub? O da Şəmkir bölgəsindəndir. Bakıda doğulanların da içində tərbiyəsiz, əxlaqsız adamlar var. Azərbaycanın hər bölgəsində bu cür insanlar var: mədəni səviyyəsi aşağı olan da var, yuxarı olan da. Misal üçün deyirəm, kənd yerlərində o qədər ağbirçək, abırlı-həyalı, namuslu qadınlarımız, ağsaqqal kişilərimiz var ki! Bu adamlar öz mədəniyyəti ilə, əxlaqı ilə seçiliblər. Mən birinci gündən bu tipli açıqlamaları rədd etmişəm! Bu, bizim milli birliyimizə, bütövlüyümüzə xələl gətirən açıqlamadır".

Xatırladaq ki, millət vəkili Etibar Hüseynov Bakı mədəniyyətindən danışarkən, qarabağlıları və köçkünləri təhqir etmişdi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.