Onların sözlərinə görə xoşbəxtlikdən hadisə bazar günü baş verdiyindən xəsarət alan olmayıb. Amma kənd məktəbinə xeyli miqdarda ziyan dəyib. Hadisə şahidlərin sözlərinə görə, dam örtüyü 150 kvadrat metrdən çox sahədə uçub. Həmçinin güclü külək kənd ərazisində elektrik enerjisinin verilməsinə də mənfi təsir göstərib. Kənd sakinləri saatlarla işıqsız qalıblar.
Güclü külək Şəmkir rayonunun da bir neçə kəndini işıqsız qoyub.
Milli.Az Kəpəz TV-yə istinadən xəbər verir ki, ötən gün Şəmkir ərazisində müşahidə olunan güclü külək rayonun elektrik təsərrüfatında bir sıra fəsadlar yaradıb. Külək 10-a yaxın elektrik dirəyini aşırıb, bir neçə güc transformatorunu sıradan çıxarıb, xeyli miqdarda naqil yararsız hala düşüb. Nəticədə də 6 kənd işıqsız qalıb. Şəmkir Elektrik Şəbəkəsinin baş mühəndəsi Nizami Əliyevin verdiyi məlumata görə, bu gün saat 16:00 radələrində küləyin fəsadları tam aradan qaldırılıb və elektrik enerjisinin verilişi bərpa olunub.
Milli.Az
Böyütmək üçün şəkillərə klikləyin.