Şou-biznes

Müslüm Gürsəsin oxuduğu son mahnı Aygün Kazımovanın olub - VİDEO

19 Yanvar 2014 09:30
6 Şərh     Baxış: 4 278
VTB-də minimal faiz dərəcəsi ilə nağd kredit 10.49%-dən
#ŞOU-BİZNES #VİDEO
Türkiyəli müğənni Müslüm Gürsəsin ölümündən öncə səsləndirdiyi son mahnı ortaya çıxıb.

Axşam.az-ın məlumatına görə, mərhum ifaçı xalq artisti Aygün Kazımovanın repertuarındakı "Yenə tək"i oxuyub. M.Gürsəs mahnını akustik versiyada səsləndirib. İnternetdə ifanın demo variantı yayılıb. Bu mahnı müğənninin yeni işıq üzü görəcək albomunda yer alacaqdı.

Xalq artisti Aygün Kazımova əməkdaşımızla söhbətində məsələdən yenicə xəbərdar olduğunu deyib. O buna çox sevinib:

"İfanı bu gün eşitdim. İnternetdə Ajda Pekkanın "Yenə tək" mahnısını səsləndirməsini axtarırdım. Qarşıma Müslüm Gürsəsin ifası çıxdı. Qulaq asdım və təəccübləndim. Bununla bağlı məndən icazə alınmamışdı. Amma belə gözəl, dahi bir ifaçının mənim mahnıma müraciət etməsi sevindirici oldu. Çox heyf ki, o, ifasını hər kəsə təqdim edə bilmədi".

Qeyd edək ki, sözləri meyxanaçı Namiq Qaraçuxurluya, musiqisi Minayə xanıma məxsus olan "Yenə tək" mahnısını daha öncə Ajda Pekkan da səsləndirib.

Milli.Az







Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.