Cəmiyyət

Gəncədə sahibsiz itlərlə mübarizə tədbirləri gücləndirilib

30 Aprel 2012 19:52

0 Şərh Baxış: 1 426

#ADAMA TECHNOLOGİES CORP

Milli.Az Kəpəz TV kanalına istinadən xəbər verir ki, küçələrdə baxımsız dolaşan sahibsiz itlərdən hamı çəkinir. Ac və xəstə olduqları üçün azğınlaşan köpəklər, istənilən adama hücum çəkə bilərlər. Bu səbəbdən də Gəncə şəhərində sahibsiz itlərlə mübarizə davam edir.

Ötən il ərzində 4 017, təkcə son bir ay ərzində isə 450-dən artıq sahibsiz it vurularaq zərərsizləşdirilib. Gəncə şəhər Təmizlik İdarəsinin baş mühəndisi Eldəniz Yusibov bildirib ki, Gəncə küçələrinin sahibsiz itlərdən təmizlənməsi üçün şəhərə əlavə ovçular gətirilib. Müsahibimiz deyir ki, itlərin vurulması gecə və səhər saatlarında həyata keçirilir. Sahibsiz itlər vurulduqdan sonra Gəncə şəhər Gigiyena və Epidemiologiya Mərkəzi tərəfindən aktlaşdırılır.

Milli.Az