Siyasət

İtaliyadan şəhid ailələrinə maddi yardım göndəriləcək

8 Aprel 2016 11:14
2 Şərh     Baxış: 2 660

İtalya və ətrafında yaşayan Azərbaycan icmasının mənsubları dünən İtaliya-Azərbaycan Fondunun yaradılması barədə qərara gəliblər. İcma üzvləri hər ay mütəmadi olaraq öz aralarında pul toplayıb Azərbaycana - şəhid ailələrinə göndərəcək.

Milli.Az xəbər verir ki, bunu İtaliyadakı Azərbaycan icmasının üzvlərindən olan Aysel Həmidova bildirib.

A.Həmidova qeyd edib ki, Fond hər kəsin güvəndiyi bir şəxsi Azərbaycanda özünün təmsilçisi təyin edəcək və toplanan pullar ona yollanacacaq: "Həmin şəxs şəhid ailələrimiz Azərbaycanın harasında olursa-olsun, pulları həmin ailələrə çatdıracaq. Şəffaflıq baxımından pulun təhvil verilməsində dair protokol tərtib ediləcək və fotolar çəkilərək mediada və sosial şəbəkələrdə paylaşacaq ki, heç kimdə zərrə qədər də olsun şübhə yeri qalmasın. Düzdür, heç bir maddiyyat şəhid itkisinin yerini doldura bilməz, amma biz düşünürük ki, bu addımımızla Vətənimiz üçün, bizlər üçün müqəddəs yolda canlarını fəda edən Vətən övladlarının geridə qalan ailə üzvləri üçün bəlkə az da olsa, mənəvi bir dəstək olar".

Onun sözlərinə görə, analoji fondların yaradılması üçün Avropanın digər ölkələrində də yaşayan azərbaycanlılara da müraciət ünvanlanacaq: "Fondumuzun adını İtalya-Azərbaycan qoyduq. Biz bu addımı atmaqla düşündük ki, daha sonra İtalya və Avropanın başqa şəhərlərində yaşayan icma üzvlərimizə də müraciət edək ki, eyni addımı onlar da atsınlar və bu kimi fondlar qurararq şəhid və yaralı əsgərlərimizin ailələrinə yardımçı olsunlar. Beləliklə, millətimizə xidmət yolunda həm də xoş olan bir rəqabət mühiti yaratmaq istədik".

İlkin İzzət
Milli.Az

DİGƏR XƏBƏRLƏR

Şərh yaz:

2 Şərh:

  • Anonim
    ♡♡♡ · 8 Aprel 2016 11:1600

    ALLAH razı olsun.Necede nur sifetli xanımdı.

    Cavab yaz
  • Anonim
    Ilhama Y. · 17 Mart 16:0600

    Halal olsun bu xanima. Aysel Həmidova fexr olunacaq bir Azerbaycanlidir.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.