Hadisə

Azərbaycanda hamilə qadın öldü

1 Avqust 2014 13:27
0 Şərh     Baxış: 2 954
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#POPULYAR XƏBƏRLƏR #AZERBAİJAN #HADİSƏ
Göyçayda hamilə qadın dünyasını dəyişib. Anspress-in məlumatına görə, Göyçay sakini, 30 yaşlı Xəyalə Etibar qızı Həsənova hamiləliyinin 8-ci ayında ölüb.

Belə ki, qadın hamiləliyin 8-ci ayında Göyçay Mərkəzi Rayon Xəstəxanasına aparılıb. Xəstəxananın baş həkiminin müavini Ləman Hacıyevanın anspress-ə verdiyi məlumata görə, qadın ağır vəziyyətdə xəstəxanaya daxil olub. Lakin onun vəziyyəti getdikcə ağırlaşdığından dərhal Bakıya, Mirqasımov adına Respublika Klinik Xəstəxanasına aparılıb.

İyul ayının 29-dan 30-na keçən gecə Bakıya gətirilən Xəyalə Həsənova Klinik Xəstəxananın reanimasiya şöbəsinə yerləşdirilib. Şöbə müdiri Yusif Səfərovun anspress-ə verdiyi məlumata görə, qadın xəstəxanaya daxil olan zaman həddindən artıq pis halda olub. Ona beyin qansızması diaqnozu qoyulub.

"Xəyalədə anadangəlmə beyin-damar patologiyası olub. Xəstə daxil olanda ölüm vəziyyətində idi. Həkimlərimiz əllərindən gələni etsələr də, onun həyatını xilas etmək mümkün olmadı", - deyə Yusif Səfərov bildirib.

Qeyd edək ki, X.Həsənova iki uşaq anası olub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.