İki uşaq anasına "bayram hədiyyəsi": belə qəddarlıq olar?

         Goranboy rayonunun Goran qəsəbəsində 50 yaşlı qadın döyülüb.

Məleykə Bayramovanın qonşular tərəfindən döyüldüyü deyilir.

APA yazır ki, qadın ağır vəziyyətdə əvvəlcə Goranboy Rayon Mərkəzi Xəstəxanasına, daha sonra Gəncə Şəhər Təcili Tibbi Yardım Xəstəxanasına aparılıb.

Xəstəxananın həkimi Məharət Kərimov xəstənin döyülmə nəticəsində xəsarət aldığını deyib: "Məleykə Bayramova Goranboy Rayon Mərkəzi Xəstəxanasından Gəncəyə ambulans vasitəsi ilə gətirilib. Xəstə döyülmə nəticəsində xəsarət alıb. Hazırda xəstənin ümumi vəziyyəti orta-ağırdır. Stasionar müalicə təyin olunub".

Zərərçəkmişin qohumları bildiriblər ki, iki uşaq anası olan ərsiz qadını qonşuları Anar Əliyev və həmin adamın yaxınları döyüblər. Onların sözlərinə görə, Anar Əliyev qadını yaşadığı yeri tərk edərək köçməyə məcbur etmək məqsədilə döyüb.

Milli.Az