Ölkə

Şəhidlərimizin medalları ailə üzvlərinə təqdim edildi

18 May 2016 14:22

Baxış: 1 242

#CƏMİYYƏT #DAĞLIQ QARABAĞ #HƏRBİ #HƏRBİ QULLUQÇU

Aprel ayında Ermənistan silahlı qüvvələrinin təxribatının qarşısının alınması zamanı şəhid olan Azərbaycan ordusunun baş leytenant Mirzə Novruzov və əsgər Müşviq Orucov "Vətən uğrunda", Kamran Şirəliyev isə "Hərbi xidmətdə fərqlənməyə görə" medalı ilə təltif ediliblər.

Milli.Az report-a istinadən bildirir ki, hərbçilərin təltif olunduqları medallar mayın 18-də ailə üzvlərinə təqdim olunub.
M.Novruzovun medalı oğlu Nihata, M.Orucovun medalı anası Aygün Orucovaya, K.Şirəliyevin medalı isə anası Elmira Şirəliyevaya təqdim edilib.
Mərasimdə çıxış edən müdafiə nazirinin müavini general-leytenant Kərəm Vəliyev şəhidlərin ailələrinə başsağlığı verib. O bildirib ki, Azərbaycan ordusu hər gün güclənməkdədir: "Düşmənin hər bir təxribatını dəf etməyə qadirdir".

Milli.Az