Dünya

İtaliyada da COVID sertifikatlarının tətbiqinə qarşı aksiyalar keçirilir

25 İyul 2021 10:54
0 Şərh     Baxış: 492

İtaliyada restoranlar və bir sıra ictimai yerləri ziyarət etmək üçün tələb olunan COVID sertifikatlarının tətbiqinə qarşı etiraz aksiyaları keçirilib, aksiyalarda bir neçə min nəfər iştirak edib.

Milli.Az APA-ya istinadən bildirir ki, bu barədə "Repubblica" qəzeti yazıb.

Qəzetin hesablamalarına görə, ən çox aksiya iştirakçısı Romada olub, burada keçirilən aksiyada 3 minə qədər insan toplaşıb.

Milandakı yürüşdə təxminən min nəfər iştirak edib. Ümumilikdə oxşar aksiyalar İtaliyanın 80-dən çox şəhərində qeydə alınıb. Təşəbbüs ümumi təşkil edilməyib, etiraz aksiyalarına çağırış hökumətin məcburi qaydada muzeylər də daxil olmaqla bir sıra dövlət qurumlarını, mədəniyyət müəssisələrini, idman tədbirlərini, eyni zamanda restoranları, idman zallarını, hovuzları ziyarət etmək üçün COVID sertifikatlarının (peyvənd sertifikatları, əvvəlki xəstəlik, mənfi koronavirus testinin nəticəsi) tətbiqinə başlamasından sonra sosial şəbəkələr vasitəsilə edilib. Sənədi "köləlik şəhadətnaməsi" adlandıran etirazçılar arasında peyvənd əleyhdarları ilə yanaşı ultra-sağçı qüvvələrin nümayəndələri də olub. Müxtəlif şəhərlərdə polislə gərgin anlar yaşansa da, ciddi qarşıdurma qeydə alınmayıb.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.