Dünya

Dünyanın ən böyük ailəsinin başçısı Ziona Çana vəfat edib - FOTO

14 İyun 2021 21:35
Baxış: 1 340

Dünyanın ən böyük ailəsinin başçısı, 39 arvadı, 94 övladı, 33 nəvəsi və 1 nəticəsi olan hindistanlı Ziona Çana vəfat edib.

Milli.Az AZƏRTAC-a istinadən bildirir ki, Mizoram ştatının sakini, çoxarvadlılıq sektasının başçısı olan 76 yaşlı Ziona Çana iyunun 13-də səhhətindəki narahatlıq səbəbindən təcili xəstəxanaya çatdırılsa da, onun həyatını xilas etmək mümkün olmayıb. Ailə başçısının şəkərli diabet və yüksək qan təzyiqindən əziyyət çəkdiyi bildirilir.

Qeyd edək ki, sekta üzvlərinin sayı 4 minə çatan Ziona Çana bütün arvadları, övladları və nəvələri ilə birlikdə Baktavq Tlanqnuam kəndindəki 100 otaqdan ibarət dördmərtəbəli evində yaşayırdı. Onun evi uzun illərdir turistlərin maraq göstərdiyi məkanlardan biridir. Hətta turistlərin gecələməsi üçün evin bağçasında qonaq evi də inşa edilib.

Ziona Çana 2012-ci ildə "Daily Mirror" qəzetinin əməkdaşına müsahibəsində dünyanın ən böyük ailəsinin başçısı olduğuna görə özünü xoşbəxt hesab etdiyini bildirmişdi.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.