Dünya

Koreya müharibəsini əks etdirən Memorial Kompleks - FOTOSESSİYA

14 Aprel 2021 22:44

Baxış: 1 166

VTB-də minimal faiz dərəcəsi ilə nağd kredit 9.9%-dən

#DÜNYADA

Dünyanın müxtəlif ölkələrində hərb mövzusuna, müharibələrə həsr olunan muzeylər fəaliyyət göstərir. Onlardan biri də Koreya Respublikasının paytaxtı Seuldakı Müharibə Memorial Kompleksidir.

Muzey kompleksində Koreya xalqının hərb tarixinə, Cənubi Koreyanın müdafiə sənayesi kompleksinə aid eksponatlarla yanaşı, 1950-1953-cü illərdə baş vermiş Koreya müharibəsinə aid elementlər də var. Onlar arasında ən çox maraq doğuran eksponatlar isə Koreya Xalq Demokratik Respublikası silahlı qüvvələrinin müharibə vaxtı istifadə etdiyi hərbi və zirehli texnikaların, tankların, raket və artilleriya qurğularının, hərbi təyyarə, gəmi və qayıqların, silah və sursatların, hətta yüksək dövlət rəsmilərinin xidməti avtomobillərin orijinalı və oxşarlarıdır. Bundan başqa, muzeydə müharibəni əks etdirən fotoşəkillər, döyüş səhnələrinin, səngərlərin, kazarmaların, hər 2 tərəfdən döyüşmüş hərbçilərin maketləri, həlak olan və itkin düşən əsgərlərin şəxsi əşyaları, geyimləri, sənədlər də nümayiş olunur.

Kompleks Seul sakinlərinin və turistlərin sevimli məkanlarından biri, dünyada da tanınan hərb muzeyi hesab olunur. Bu muzey ziyarətçilərə Koreya müharibəsinin gedişatını göz önündə canlandırmağa geniş imkan yaradır.

Milli.Az AZƏRTAC-a istinadən həmin muzeydən fotoları təqdim edir.

Milli.Az