Dünya

Ukraynada təyyarə qəzasında həlak olanların hamısının meyiti tapıldı

26 Sentyabr 2020 14:10
Baxış: 779

Ukrayna xilasediciləri Xarkov vilayəti yaxınlığında göyərtəsində kursantların olduğu AN-26 hərbi təyyarəsinin qəzaya uğradığı yerdə axtarış əməliyyatlarını dayandırıblar.

Milli.Az virtualaz.org-a istinadən bildirir ki, bu gün səhər hadisə yerindən daha üç kursantın meyiti tapılıb. Bundan sonra axtarış işləri dayandırılıb.

Xatırladaq ki, dünən axşam saatlarında Xarkov vilayətinin Çuquyev rayonu yaxınlığında AN-26 tipli hərbi təyyarə qəzaya uğrayıb. Təyyarədə heyət üzvləri və Xarkov Hava Qüvvələri Universitetinin kursantları ilə birlikdə 27 nəfər olub.

İki kursant təyyarədən atılaraq xilas olub, onlar hazırda xəstəxanadadır.

Yeri gəlmişkən, Ukrayna Prezidenti Vladimir Zelenski dünən Xarkov vilayətinə-təyyarə qəzasının baş verdiyi yerə gedəcəyini bildirmişdi: "Təcili surətdə faciənin səbəbi və bütün detallarını öyrənmək üçün komissiya yaradırıq. Bununla bağlı Baş Nazirə müvafiq tapşırıq verdim. Hadisə yerində artıq axtarış qrupu işləyir. Sabah (bu gün-red.) Xarkovda olacam".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.