Hindistanın Vişakhapatnam şəhərində insanlar küçədə getdikləri yerdə huşlarını itiriblər. Bir çoxları isə evlərində olsalar belə, nəfəs almaqda çətinlik çəkməyə başlayıblar. Sakinlər arasında təlaş başlayıb.
Milli.Az medicina.az-a istinadən bildirir ki, hadisəyə "LG Polymers" kimyəvi zavodunda stirol sızması səbəb olub.
Artıq ölənlərin sayı səkkiz nəfərə yüksəlib. Qurbanlar arasında uşaqlar da var.
Xəstəxanaya ümumilikdə 5 000 adam çatdırılıb.
Hökumət sakinləri evlərini tərk etməməyə və ya təhlükəsiz zonalara getməyə çağırıb. Küçəyə çıxarkən isə suda isladılmış maska taxmaq tövsiyə olunub.
Stirol - müxtəlif polimerlərin istehsalı üçün istifadə olunan rəngsiz zəhərli mayedir. Buxarı ilə nəfəs aldıqda qaraciyər və sinir sistemi xəstəliklərinə gətirib çıxara bilər.
Milli.Az