Dünya

Yaponiyanın daha bir prefekturunda fövqəladə vəziyyət tətbiq edildi

9 Aprel 2020 09:16
0 Şərh     Baxış: 537

Yaponiyanın mərkəzi Ayti prefekturunda koronavirusun yayılmasının qarşısının alınması məqsədi ilə aprelin 10-dan fövqəladə vəziyyət rejimi elan edilir.

Milli.Az Trend-ə istinadən xəbər verir ki, bu barədə Ayti prefekturunun qubernator Hideaki Omura mətbuat konfransında açıqlama verib.

"Son bir həftə ərzində vəziyyət daha ciddi hala gəlib, koronavirusa yoluxma sayının artdığını görürük. Sabah saat 12:00-dan (07:00 GMT+4) fövqəladə vəziyyət rejimini tətbiq etmək niyyətindəyik. Mən prefekturanın sakinlərindən ehtiyac olmadan küçəyə çıxmamağı xahiş edirəm. Həyat üçün lazım olan bütün infrastruktur işləməyə davam edəcək", - qubernator bildirib.

Mərkəzi Naqoya şəhəri olan Aytii prefekturunun əhalisi təxminən 7,5 milyon nəfərdir. Bu prefekturda "Toyota Motor" avtomobil konserninin əsas zavodu da daxil olmaqla böyük sənaye müəssisələri var. Ayti koronavirusun yayılması miqyasında Yapon prefekturları arasında beşinci yerdədir və burada təxminən 280 koronavirusa yoluxma halları aşkar edilib.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.