Rusiyada Tver vilayətinin Boloqovski rayonunda azərbaycanlı kişi ilə rus qadın qeyd şöbəsinə saxta hamiləlik şəhadətnaməsi verməkdə şübhəli biliniblər.
Milli.Az oxu.aza istinadən xəbər verir ki, Azərbaycan vətəndaşı rus qadınla nikahın bir aydan tez müddətdə bağlanması üçün qeydiyyat şöbəsinə hamiləlik şəhadətnaməsi təqdim ediblər.
Sənədin saxta olduğu nikah bağlanandan sonra məlum olub.
Bu müddət ərzində azərbaycanlı Rusiya Federasiyasında müvəqqəti yaşayış icazəsi istəyi ilə miqrasiya xidmətinə müraciət edib və müsbət cavab alıb.
Sənədin saxta olduğu bəlli olandan sonra cinayət işi başlanıb, onların hər ikisi saxlanılıb, araşdırma aparılır.
Milli.Az