Dünya

İran alternativ enerji ehtiyatlarını artırır - 19 yeni stansiya açılacaq

2 Noyabr 2019 11:12
0 Şərh     Baxış: 393

İran alternativ enerji ehtiyatlarını artırır. Belə ki, bu il 10 vilayətdə 19 alternativ enerjili elektrik stansiya istismara veriləcək.

Milli.Az Trend-ə istinadən xəbər verir ki, bunu İranın Alternativ Bərpa oluna bilən Enerjilər və Elektrik Enerjisinin İstismarı Təşkilatının sözçüsü Cəfər Məhəmmədnejad Siqarudi deyib.

C.M.Siqarudinin sözlərinə görə, 19 layihənin ikisi külək turbinli elektrik stansiyası, biri kiçik su elektrik stansiyası, digəriləri isə günəş panelli elektrik stansiyalardır.

C.M.Siqarudi əlavə edib ki, Şərqi Azərbaycan vilayətində 50 meqavatlıq külək turbinli elektrik stansiyası istismara veriləcək. Bu stansiyaya təxminən 80 milyon avro investisiya yatırılıb və 240 nəfər işlə təmin olunacaq.

Onun sözlərinə görə, İranın "Mapna" şirkəti tərəfindən inşa olunan bu stansiyanın fəaliyyətə başlaması ilə ildə 89 min ton istixana qazının havaya atılmasının qarşısı alınacaq, 37 milyon ton təbii qaza və 28,5 min kubmetr suya qənaət olunacaq.

Təşkilat rəsmisi bildirib ki, bundan başqa, Cənubi Xorasan vilayətində 1 yeni günəş panelli və bir ədəd külək turbinli elektrik stansiyası istismara veriləcək. 1 meqavatlıq günəş panelli stansiyaya təxminən 800 min avro investisiya olunub və 30 nəfər işlə təmin olunacaq.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.