Dünya

Gülnarə Kərimovaya qarşı daha bir neçə cinayət işi açıldı

19 Avqust 2019 22:35
0 Şərh     Baxış: 1 915

Özbəkistanın birinci prezidenti İslam Kərimovun qızı Gülnarə Kərimovaya qarşı yeni cinayət işləri açılıb.

Milli.Az qafqazinfo-ya istinadən xəbər verir ki, bu barədə ölkənin Baş Prokurorluğunun mətbuat xidmətinin məlumatında deyilir. Gülnarə Kərimova dövlət vəsaitlərinin oğurlanmasında, ölkə maraqlarına zidd olan müqavilələr imzalamaqda ittiham edilir. Bundan başqa o, aşağı qiymətlərlə iki sement zavodunun səhmlərini əldə etməkdə günahlandırılır.

Kərimovaya qarşı irəli sürülmüş növbəti ittiham aktında onun dələduzluq yolu ilə başqalarının iri həcmdə əmlakını mənimsədiyi deyilir. İstintaq materiallarına əsasən, Gülnarə müxtəlif şirkətlərin sahiblərinə və vətəndaşlarına güc tətbiq edərək onları öz mülklərini ona məxsus şirkətə satmağa məcbur edib.

Qeyd edək ki, 2015-ci ilin avqustunda Kərimova 5 il azadlıqdan məhrum edilib. Məhkəmə onu vergidən yayınmaqda, oğurluqda, ofşor şirkətlərin sənədlərinin məhv edilməsində günahkar bilmişdi. Daha sonra ona qarşı dələduzluq, xarici valyutaların gizlədilməsi, gömrük qanunvericiliyinin pozulması, iqtisadi hüquqların pozulması, saxta sənədlərin hazırlanması, qanunsuz gəlirlərin rəsmiləşdirilməsi maddələri üzrə ittiham irəli sürülmüşdü.

2015-ci ilin dekabrında Gülnarəyə daha 10 il həbs cəzası verilmiş, yarım il sonra isə bu cəza 5 ilə endirilmişdi. Ona yaşadığı evi tərk etmək, əlaqə vasitələrindən istifadə qadağan olunmuşdu. Ancaq bir neçə ay sonra Kərimova bu tələbləri pozmuşdu.

2019-cu ilin əvvəlində onu ümumi rejimli cəzaçəkmə müəssisəsinə köçürüblər.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.