Misirin təhlükəsizlik qüvvələri Qahirənin Mustarad şəhərətrafı qəsəbəsində Müqəddəs Məryəm məbədinin yaxınlığında terror aktı cəhdinin qarşısını alıblar.
Milli.Az bildirir ki, AZƏRTAC-ın Misir KİV-lərinə istinadla verdiyi xəbərə görə, məbədə gələnlərə hücum planlaşdıran intiharçı-terrorçu kilsə ətrafında ciddi təhlükəsizlik tədbirləri həyata keçirildiyindən partlayışı vaxtından əvvəl törədib. O, yerindəcə keçinib. Partlayışdan heç kim zərər çəkməyib.
Hazırda hüquq-mühafizə orqanlarının nümayəndələri müşahidə kameralarını izləyirlər.
Xatırladaq ki, bu günlərdə xristian-qibtilər həmin məbəddə Müqəddəs Məryəm Ananın mövludunu qeyd edirlər.
Milli.Az