PUL
ABŞ terrorçu PKK qruplaşmasının Suriyadakı qolları "YPG" və "PYD"yə (ABŞ-ın təklifi ilə adlarını dəyişib "Suriya Demokratik Gücləri" qoyublar) Pilotsuz Uçan Aparat (PUA) verəcək.
Milli.Az report-a istinadən xəbər verir ki, PUA-dan istifadəni onlara öyrətmək məqsədi ilə ABŞ-ın Suriyanın Ayn-əl-Ərəb (Kobani) rayonundakı hərbi bazasından 9 hərbi müşavir də ezam olunub.
İnformasiyaya əsasən, həmin PUA-lardan terrorçu İŞİD qruplaşmasına qarşı mübarizədə istifadə olunacaq.
Məlumata görə, veriləcək aparatların sayı hələlik müəyyənləşməyib. Ancaq məsələ ilə bağlı açıqlama verən ABŞ ordusunun məsul təmsilçisi bildirib ki, PUA üçün bölgədə 6 yer qurulacaq.
Qeyd edək ki, Suriyanın şimalında terrorçu PKK qruplaşması qollarının nəzarətində olan ərazilərdə ABŞ 7 hərbi baza qurub. Son 16 ayda ABŞ onları müasir silahlarla təchiz edib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
