Dünya

58 yaşlı kişiyə ərə gedən 22 yaşlı qız: "Onu çox sevirəm" - FOTO

17 Avqust 2015 10:42

17 Şərh Baxış: 3 111

"Onun babam yaşında olduğunu deyirlər. Söyləsinlər, eynimə deyil. Onu sevirəm və ailə qurmaq niyyətindəyəm. Niyyətimi gerçəkləşdirməyə də mənə kimsə mane ola bilməz".

22 yaşlı Karli Kinq gələn həftə 58 yaşlı Billi Pottsla ailə quracaq.

Pottsun üç övladı var və onların hamısı yaşca Karlidən böyükdür.

Milli.Az The Daily Mirror-a istinadən bildirir ki, K.Kinq və B.Potts İngiltərənin Saffolk qraflığındakı Vudsbric şəhərində yaşayırlar.

Karli Kinqin dediyinə görə, gələcək ərinin 31, 29 və 27 yaşlı oğullarının olmasını nikah üçün problem saymır.

"Sürücülük vəsiqəsi almaq üçün yazıldığım kursa gedəndə Billi ilə tanış oldum. Mənə çox yardım edirdi. Qayğıkeş, səmimi, yaxşı insan olduğunu anladım. Daha sonra münasibətlərimiz yarandı və onun necə insan olduğunu daha yaxşı anladım. Vuruldum Billiyə. Hisslərimiz də qarşılıqlı oldu. İndi ailə qurmağa hazırlaşırıq. Ətrafımızdakı adamların bu nikaha münasibətləri birmənalı deyil. Daha doğrusu, münasibət neqativdir. Amma olsun. Biz evlənəcəyik", - Karli Kinq söyləyib.
Nikah mərasimi gələn həftə Vudsbricdəki "St Mary's Parish Church" kilsəsində olacaq.

Milli.Az