Milli.Az Rusiya mətbuatına istinadən bildirir ki, bu barədə Avropa Birliyinin xarici işlər və təhlükəsizlik üzrə ali nümayəndəsi Ketrin Eştonun mətbuat katibi Mayya Kosyançiç məlumat verib.
Bu gün Ukraynanın Donetsk, Xarkov və Luqansk şəhərlərində Rusiya bayraqları ilə etiraz aksiyaları keçirilib. Aksiyaçılar referendum keçirilməsini və regionlarının Rusiyaya birləşdirilməsini tələb edir.
"Biz vəziyyəti diqqətlə və narahatlıqla izləyirik. Ukraynada istənilən tələblər güc tətbiq edilməyən vasitələrlə, qanunun aliliyi və demokratik standartlara uyğun şəkildə bəyan edilməlidir", - Kosyançiç əlavə edib.
O, Avropa Birliyinin Ukraynanın suverenliyini və ərazi bütövlüyünü dəstəklədiyini xatırladıb.
Milli.Az