Ötən gün labrador cinsindən olan Koni ləqəbli it, ABŞ-a girişi qadağan olan rusiyalıların siyahısına salınacaqdı. Milli.Az xəbər verir ki, bu barədə Life News-a ABŞ Dövlət Departamentinə yaxın olan mənbə məlumat verib.
Onun sözlərinə görə, sanksiyalara baxılarkən Koninin də siyahıya salınması təklif edilib. Sonuncu anda Dövlət Departamenti qərarını dəyişib.
Labrador Koni Rusiya prezidentinin tək ev heyvanı deyil, həm də onun ən yaxın dostudur. Hətta ailəsinin üzvü də sayılır. Putinə təsir etmək üçün dövlət departamentinin bəzi nümayəndələri təklif edirdilər ki, məhz it də siyahıya salınsın.
Konini 2000-ci ildə Putinə ölkənin fövqəladə hallar naziri hədiyyə etmişdi.
Milli.Az