Dünya

Türkiyədə 1 səsin davası

2 Aprel 2014 11:45
0 Şərh     Baxış: 536
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#TÜRKİYƏ
Türkiyədə martın 30-da keçirilən bələdiyyə seçkilərində Ədalət və İnkişaf Partiyasının (AKP) namizədinin 1 səs üstünlüklə qalib gəldiyi açıqlanan Yalova vilayətində Cümhuriyyət Xalq Partiyasının (CHP) etirazından sonra səslər yenidən sayılıb.

APA-nın "Hürriyet"ə istinadən verdiyi məlumata görə, CHP-nin müraciəti və yerli seçki komissiyasının qərarı ilə 124 qutudakı bülletenlər yenidən sayılıb.

Nəticədə CHP namizədi Vəfa Salmanın 5 səs üstünlüklə qalib gəldiyi açıqlanıb. Bu dəfə isə AKP nəticələrə etiraz edərək səslərin bir daha sayılmasını tələb edib.

Yalova vilayətində ümumilikdə 149 min 818 seçici, şəhər mərkəzində isə 85 min 561 seçici səs verib. 30 mart gecəsi ilkin hesablamalardan sonra seçkini AKP namizədi Yaqub Koçalın 1 səs üstünlüklə bələdiyyə başqanı seçildiyi açıqlanmışdı. Qeyd edək ki, Yalova CHP-nin ən nüfuzlu liderlərindən olan Məhərrəm İncənin vətənidir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.