Milli.Az SalamNews-a istinadən verdiyi xəbərə görə, kral Abdullah bin Əbdüləziz hakimiyyətdən gedir. O, öz yerini vəliəhdi Salman bin Əbdüləzizə verir.
Misirin ən-Nəhar telekanalının məlumatına əsasən, kral, həmçinin ölkənin müdafiə naziri, cənub və şərq bölgələrinin komandanları və daha üç əsas hərbi postun səlahiyyətlilərini dəyişdirəcək.
Mənbə ölkədə kral ailəsinə mənsub daha 17 şəxsin də vəzifəsindən azad edilməsi barədə qərar verildiyini bildirib.
Qeyd edək ki, son aylar Səudiyyə Ərəbistanı kralının səhhətinin pisləşməsi ilə bağlı xəbərlər yayılıb. Kral hətta ABŞ prezidenti Barak Obama ilə görüşərkən tənəffüs borusundan istifadə etməli olub.
Milli.Az