İsrailin sabiq baş naziri Ehud Olmertin məhkəməsi başa çatmaqdadır. O, "Holyland" inşaat şirkətinin fəaliyyəti ilə bağlı korrupsiyada və rüşvətxorluqda suçlanıb.
Milli.Az Reuters-ə istinadən bildirir ki, "Holyland"ın işi ilə bağlı E.Olmertlə yanaşı, daha 9 nəfər, o cümlədən sabiq baş nazirin keçmiş müşaviri Şula Zaken, Qüdsün sabiq meri Uri Luponlyanski də müttəhimlər kürsüsündədir.
İşlə bağlı tutulmuş 3 nəfər bəraət alıb.
Məhkəmənin hökmündə bildirilir ki, Qüdsün meri olarkən Ehud Olmert inşaat layihələrini dəstəkləməyin müqabilində rüşvət alıb.
"Holyland"ın işi ilə bağlı Ehud Olmertə qarşı ilk ittiham 2012-ci ilin yanvarında irəli sürülüb.
2008-ci ildə isə rüşvətxorluqda suçlandığına görə Ehud Olmert baş nazir postundan istefa vermişdi.
2012-ci ilin sentyabrında o, 1 il şərti həbs cəzası almışdı.
Milli.Az