Dünya

İranın Hörmüz üçün 12 maddəlik planı

2 May 2026 23:18

Baxış: 433

VTB-də minimal faiz dərəcəsi ilə nağd kredit 9.9%-dən

#IRAN

İran Hörmüz boğazının idarə edilməsi üçün 12 maddədən ibarət yeni plan hazırladığını açıqlayıb və İsrail gəmilərinin boğazdan keçməsinə heç vaxt icazə verilməyəcəyini bildirib.

Milli.Az qafqazinfo-ya istinadən xəbər verir ki, İran Parlamentinin sədr müavini Əli Nikzad cənubdakı Bəndər Abbas şəhərindəki açıqlamasında planın əsas detalları barədə danışıb.

"Hörmüz boğazının idarəetmə planı 12 maddədən ibarətdir. Bu plana görə, İsrail gəmiləri və İranın düşmən hesab etdiyi ölkələrin gəmiləri müharibə təzminatı ödəmədikcə boğazdan keçə bilməyəcək. Digər gəmilər isə İran parlamentinin qanun və icazələrinə uyğun hərəkət edəcək", - o qeyd edib.

Nikzad Hörmüz boğazının idarə edilməsinin İranın milli maraqları üçün mühüm olduğunu vurğulayıb: "Boğazın yeni idarəetmə forması neftin milliləşdirilməsi qədər vacibdir".

İran Parlamentinin İctimai İşlər Komissiyasının rəhbəri Məhəmməd Rza Rzayi isə Hörmüz boğazından əldə olunan gəlirin bölüşdürüləcəyini açıqlayıb. Onun sözlərinə görə, gəlirin 30%-i silahlı qüvvələrin gücləndirilməsinə, 70%-i isə əhalinin həyat şəraitinin yaxşılaşdırılması və infrastruktur layihələrinə ayrılacaq.

Milli.Az

Milli.Az - Xəbər Portalı

İranın Hörmüz üçün 12 maddəlik planı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?