Dünya

Sabiq prezident pensiyasından narazıdır

13 Aprel 2026 20:34
Baxış: 1 180
VTB-də minimal faiz dərəcəsi ilə nağd kredit 9.9%-dən
#POLŞA

Polşanın keçmiş prezidenti və Nobel Sülh Mükafatı laureatı Lex Valensa maddi vəziyyəti ilə bağlı maraqlı açıqlamalar verib.

Milli.Az xəbər verir ki, 1990-1995-ci illərdə ölkəyə rəhbərlik etmiş 82 yaşlı siyasətçi "O2" portalına müsahibəsində təqaüdünün azlığından gileylənib.

Valensa hazırda ayda təxminən 3770 dollar (hazırkı dövlət başçısının maaşının 75%-i qədər) prezident təqaüdü alır.

Sabiq dövlət başçısı gəlirinin xərclərini qarşılamadığını belə ifadə edib:

"Təqaüdümdən razıyammı? Əgər razı olsaydım, göbələk yığardım və ya balıq tutardım. Amma yaşamaq üçün hələ də işləmək məcburiyyətindəyəm".

Valensa bildirib ki, aldığı vəsaitin böyük hissəsi yaşayış xərclərinə, tibbi xidmətlərə və peşəkar fəaliyyətini davam etdirməyə sərf olunur.

Maraqlıdır ki, o, Sosial Təminat İdarəsindən ümumi əsaslarla ikinci bir pensiya almaq hüququna malik olsa da, 20 ildir bu puldan imtina edir. Valensa bunu "Polşa kasıbdır" deyərək, dövlət büdcəsinə yük olmaq istəməməsi ilə əsaslandırıb.

Qeyd edək ki, Polşada prezident təqaüdləri ilə bağlı narazılıq edən tək lider Valensa deyil. Ondan sonra hakimiyyətdə olmuş Aleksandr Kvasnevski (1995-2005) və hazırkı prezident Anjey Duda da gələcəkdə alacaqları pensiyanın dolanışıq üçün yetərli olmayacağını dəfələrlə bəyan ediblər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.