Dünya

Avropanın ən gözəl şəhəri seçildi: Gedən bir də getmək istəyir

6 Yanvar 2026 08:08
Baxış: 13 248
VTB-də minimal faiz dərəcəsi ilə nağd kredit 9.9%-dən
#POLŞA

Avropanın ən populyar turizm mərkəzləri arasında keçirilən sorğular və qiymətləndirmələr nəticəsində Polşanın tarixi şəhəri Krakov bir çox məşhur paytaxtı geridə qoyaraq "Avropanın ən yaxşı şəhəri" seçilib. Turistlərin rəylərinə görə, bu şəhər həm büdcəyə uyğunluğu, həm də zəngin mədəniyyəti ilə bənzərsizdir.

Milli.Az xəbər verir ki, Krakovun bu uğuru qazanmasının bir neçə əsas səbəbi var:

İkinci Dünya Müharibəsi zamanı digər Polşa şəhərlərindən fərqli olaraq Krakov dağıntılara məruz qalmayıb. Bu səbəbdən şəhərin orta əsr memarlığı, dar küçələri və tarixi binaları orijinal görkəmini qoruyub saxlayıb.

Paris, London və ya Roma ilə müqayisədə Krakov turistlər üçün daha sərfəlidir. Qidalanma, nəqliyyat və otel xərclərinin ucuz olması şəhəri hər kəs üçün əlçatan edir.

Şəhərin mərkəzində yerləşən Avropanın ən böyük meydanlarından biri və möhtəşəm Vavel Qəsri turistləri keçmişə səyahətə aparır.

Yerli əhalinin səmimiyyəti və xaricilərə qarşı xoş münasibəti şəhərin reytinqini yüksəldən əsas amillərdən biridir.

Xəbərdə qeyd olunur ki, Krakova gedən hər 10 turistdən 9-u oraya yenidən qayıtmaq istədiyini bildirir. Şəhərin gecə həyatı, dadlı yerli mətbəxi (xüsusilə "pierogi" adlı xəmiraşı) və hər addımbaşında rast gəlinən sənət qalereyaları insanlarda unudulmaz təəssürat yaradır.

Siyahıda Krakovdan sonra müvafiq olaraq Valensiya (İspaniya) və Portu (Portuqaliya) kimi şəhərlər də yüksək ballarla yer alıblar. Lakin Krakov həm qiymət, həm də tarix balansını ən yaxşı qoruyan şəhər olaraq liderliyini qoruyur.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.