Dünya

"Mango"nun yaradıcısını oğlu öldürüb?

17 Oktyabr 2025 13:22

Baxış: 991

VTB-də minimal faiz dərəcəsi ilə nağd kredit 9.9%-dən

#DÜNYADA

"Mango" markasının təsisçisi İsak Andiçin ölümünə dair yeni məlumatlar ortaya çıxıb.

Milli.Az xəbər verir ki, İspaniya polisi, 71 yaşlı iş adamının keçən ilin dekabrında Barselonanın yaxınlığındakı Montserrat dağlarında oğluyla birlikdə gəzərkən 100 metrdən çox hündürlükdən yıxılaraq həyatını itirməsini ilkin olaraq qəza kimi qiymətləndirmişdi. Lakin oğul Jonathan Andiçin ifadələrindəki ziddiyyətlər və məhkəmə ekspertizası nəticələri, hadisənin qəsdən törədilmiş ola biləcəyini göstərib. Nəticədə, Jonathan Andiç qəsdən adam öldürmə ittihamı ilə rəsmi istintaqa cəlb edilib.

İstintaq zamanı Jonathanın ifadələrindəki uyğunsuzluqlar, hadisə yerində toplananlar sübutlarla uyğun gəlməyib. Bundan əlavə, Andiçin həyat yoldaşı, peşəkar qolfçu Estefaniya Knut, ata-oğul arasında gərgin münasibətlərin olduğunu bildirib. Hadisə zamanı Jonathanın önündə getdiyi və geriyə dönüb atasının uçurumdan düşdüyünü gördüyünü söyləyib. Polis, hadisənin baş verdiyi yolda başqa şahidlərin olmadığını və yolun "xüsusilə təhlükəli" olmadığını qeyd edib.

Hazırda Jonathan Andiçin mobil telefonu araşdırılır və istintaq gizlilik şəraitində davam edir. Ailə üzvləri ictimaiyyətə açıqlama verməyib və Jonathanın günahsız olduğuna inanırlar.

Qeyd edək ki, İsak Andiç Barselonada işləyirdi. O, Mango markasını quraraq 120-dən çox ölkədə 2.800-dən çox mağaza və 16.000-dən çox işçi ilə Avropanın ən böyük moda imperiyalarından birini yaratmışdı. Onun sərvəti Forbes tərəfindən təxminən 4,5 milyard dollar olaraq qiymətləndirilirdi.

Ölümündən sonra Mango şirkətinin idarə heyəti, Toni Ruizi baş direktor olaraq təyin edərək şirkətin strukturunu yenidən təşkil edib.

İsmayıl
Milli.Az