Dünya

İsrail daha bir nüvə alimini öldürdü - Görün harada gizlənirmiş

24 İyun 2025 11:33

Baxış: 2 103

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ #İSRAİL

İranda nüvə sahəsində çalışan daha bir mütəxəssis qətlə yetirilib.

Milli.Az "MOUZE" teleqram kanalına istinadla xəbər verir ki, bu gün səhər saatlarında nüvə alimi Məhəmmədrza Sədiqi Sabir Gilan vilayətində yerləşən evində İsrailin hava hücumu nəticəsində həyatını itirib.

Məlumata görə, hadisə zamanı alim bir müddətdir sığındığı qayınatasının evində olub. Bildirilir ki, evin yerləşdiyi əraziyə üç mərmi düşüb və partlayış nəticəsində Sədiqi Sabir hadisə yerində vəfat edib.

Qeyd edək ki, bir neçə gün əvvəl onun Tehranda yerləşən şəxsi evinə edilən hücum zamanı 17 yaşlı oğlu da həlak olub. Hücumların ardıcıl xarakter daşıması ailəyə qarşı məqsədli təzyiq ehtimallarını gündəmə gətirib.

Xatırladaq ki, iki ay öncə ABŞ Maliyyə Nazirliyi Məhəmmədrza Sədiqi Sabiri sanksiya siyahısına daxil etmişdi. Onun adının İranın nüvə proqramında əhəmiyyətli fiqurlardan biri kimi çəkildiyi bildirilir.

Milli.Az