Dünya

ABŞ-də daha bir təyyarə qəzası - FOTO

1 Fevral 2025 07:07

Baxış: 542

#AVİAQƏZA

ABŞ-nin Filadelfiya ştatından Missuriyə uçan "Learjet 55" təyyarəsi yaşayış binalarının üzərinə düşüb.

Milli.Az xəbər verir ki, Missuri ştatının Sprinqfild-Branson Milli Hava Limanına uçan kiçik təyyarə Şimal-Şərqi Filadelfiya Hava Limanından yola düşdükdən bir qədər sonra yerə çırpılıb.

Məlumata görə, qəza zamanı təyyarədə 6 nəfər olub. Onların iki həkim, iki pilot, bir xəstə və xəstənin ailə üzvü olduğu deyilir. Onların vəziyyəti ilə bağlı məlumat verilməyib.

"Qəzadan sonra Kottman prospekti və Ruzvelt bulvarı ərazisində bir neçə ev yanıb", - telekanal bildirib.

Xatırladaq ki, bir neçə gün öncə "American Airlines" aviaşirkətinə məxsus ABŞ sərnişin təyyarəsi və Quru Qoşunlarının "Black Hawk" helikopteri Ronald Reyqan adına Vaşinqton hava limanı yaxınlığında toqquşub. Təyyarənin göyərtəsində 60 sərnişin və 4 ekipaj üzvü olub. Helikopterdə ən azı üç hərbçi olub. Toqquşmadan sonra təyyarə və helikopter Potomak çayına düşüb.

Amerika Prezidenti Donald Tramp qəza nəticəsində sağ qalanların olmadığını açıqlayıb.

Milli.Az