Dünya

Svilizasiya ilə əlaqəsi olmayan yeni qəbilə üzə çıxdı - İnsanları uzaqlaşdırmaq üçün ... - FOTO

25 Dekabr 2024 07:40

Baxış: 2 165

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #MEŞƏ

Amazon meşələrində sivilizasiya ilə əlaqəsi olmayan "Massaco" qəbiləsinin gündəlik həyat tərzi görüntülənib.

Milli.Az haberler-ə istinadən xəbər verir ki, Braziliya Yerli Xalqlar Cəmiyyəti (Funai) tərəfindən yerləşdirilən kameralarda qəbilənin unikal həyat tərzi və xarici dünyaya qarşı tədbirləri əks olunub.

Məlumata görə, qəbilə üzvlərinin sayı 300-ə yaxındır və onlar Braziliyanın Rondônia bölgəsində 1 milyon hektarlıq ərazidə yaşayırlar. Qəbilənin özlərini qorumaq üçün qurduqları iti taxta tələlər, heyvan kəllələrindən hazırlanan totemlər və uzun tunel formasında olan daxmalar mütəxəssislərin xüsusi diqqətini çəkib.

"Massaco" qəbiləsi dünya ilə əlaqəni tamamilə kəsməklə yanaşı, digər insanları özlərindən uzaq tutmaq üçün tələlər qurur və müxtəlif rituallar həyata keçirir. Onların ox və digər alətlərdən necə istifadə etdikləri isə hələ də araşdırma mövzusudur.

Qəbilə Braziliyada mövcud olduğu bilinən 28 təcrid olunmuş qəbilədən biridir və onların qorunması, eyni zamanda Amazon meşələrinin gələcəyi üçün böyük əhəmiyyət daşıyır.

Fidan
Milli.Az