Dünya

İsrail Beyrutda çoxmərtəbəli binanı yerlə-yeksan etdi - 11 ölü, 33 yaralı var - YENİLƏNİB

23 Noyabr 2024 14:09

Baxış: 1 170

VTB-də minimal faiz dərəcəsi ilə nağd kredit 9.9%-dən

#VİDEO #ISRAEL #LİVAN

İsrail HHQ-nin Livan paytaxtına hava hücumu nəticəsində ən azı 11 nəfər həlak olub, 33 nəfər yaralanıb.

Milli.Az oxu.az-a istinadən xəbər verir ki, bu barədə "Al Hadath" telekanalı Beyrutdakı tibbi mənbələrə istinadən məlumat yayıb.

Bildirilib ki, əl-Bosta əl-Fauka rayonunda səkkizmərtəbəli bina tamamilə dağılıb, daha beş qonşu binaya ziyan dəyib. Xilasetmə briqadaları partlayış yerində dağıntıların təmizlənməsini davam etdirir.

Ölənlərin və yaralananların sayının arta biləcəyi istisna olunmur.

O da vurğulanıb ki, İsrail HHQ təyyarələri "Hizbullah" təşkilatının xarici təhlükəsizlik xidmətinin rəhbəri Təllal Hamiəni öldürmək məqsədilə Livan paytaxtının mərkəzi hissəsinə hücum edib. Ancaq həmin şəxsin hava hücumu zamanı ölüb-ölmədiyi qeyd olunmayıb.

--------

09:07

İsrailin Beyruta endirdiyi hava hücumu nəticəsində azı 4 nəfər ölüb, 23 nəfər yaralanıb.

Milli.Az APA-ya istinadən bildirir ki, bu barədə Livanın Səhiyyə Nazirliyi yanında Təcili Tibbi Yardım Mərkəzi "X" hesabında məlumat yayıb.

"Hava hücumu zamanı səkkiz mərtəbəli bina tamamilə dağılıb. Xilasedicilər hadisə yerində işləyir. Qurbanların və yaralananların sayı arta bilər", - qurum qeyd edib.

Milli.Az