Dünya

ABŞ-də qasırğa xəbərdarlığı: Fövqəladə vəziyyət elan edildi - FOTO

5 Avqust 2024 18:47

Baxış: 1 298

VTB-də minimal faiz dərəcəsi ilə nağd kredit 9.9%-dən

#DÜNYADA #TƏBİİ FƏLAKƏT #ABŞ #QASIRĞA

ABŞ-nin Florida ştatında "Debbi" qasırğası səbəbindən fövqəladə vəziyyət elan edilib.

Milli.Az oxu.az-a istinadən bildirir ki, məlumata görə, Florida qubernatoru Ron Desantis 3 min milli qvardiyaçını bununla bağlı təlimatlandırıb və Sitrus, Diksi, Franklin, Levi və Vakulla da daxil olmaqla, ştatın Körfəz sahillərində yerləşən bəzi bölgələrində məcburi təxliyə əmri verib.

Qeyd edək ki, Floridada "Debbi" qasırğası təşvişi yaşanır. ABŞ Milli Qasırğa Mərkəzinin təhlükəli fırtına dalğaları və daşqınlara səbəb ola biləcəyi barədə xəbərdarlıq etdiyi qasırğanın sürəti ötən gecə 120 km-ə çatıb.

"Bu fırtınanın bir hekayəsi olacaq. Fəlakət dərəcəsində daşqınlardan söhbət gedir", - deyə Milli Qasırğa Mərkəzinin rəsmisi Cemi Rome bildirib.

Eyni zamanda Florida ilə yanaşı, qasırğaya hazırlıq məqsədilə Corciya və Cənubi Karolina ştatlarında da fövqəladə vəziyyət elan edilib.

Milli.Az

Xəbərlərimizi WhatsApp kanalımızdan da oxuyun