Dünya

Makron Fransanın "ayağına" BALTA ÇALDI - “Brexit” qoxusu Parisdə duyula bilər

22 İyun 2024 21:52

Baxış: 760

VTB-də minimal faiz dərəcəsi ilə nağd kredit 10.49%-dən

#FRANSA

Fransa Prezidenti Emmanuel Makronun ölkə parlamentinin vaxtından əvvəl buraxılması və növbədənkənar seçkilərin keçirilməsi ilə bağlı qərarı Fransanın Avropa İttifaqından çıxmasına səbəb ola bilər.

Milli.Az publika.az-a istinadən xəbər verir ki, bu fikri Aİ-nin "Brexit" üzrə müzakirəçisi Mişel Barnye bildirib.

Barnye qeyd edib ki, Makronun rəhbərlik etdiyi Renessans partiyasının seçkilərdə sağçı Milli Ralli üzərində qələbə qazanacağına ümidlər çox risklidir. Diplomatın fikrincə, sorğularda lider olan Milli Assosiasiyanın liderləri respublikanın Avropa İttifaqından çıxmasını istəyə bilər.

"Mən düşünmürəm ki, Le Pen və ya Bardella öz fikirlərini dəyişib. Onlar hələ də anti-Avropa baxışlarını saxlayırlar", - Barnye bildirib.

Xatırladaq ki, iyunun 19-da Makron Fransa Milli Assambleyasının (parlamentin aşağı palatası) buraxıldığını, həmçinin növbədənkənar parlament seçkilərinin təyin olunduğunu elan edib. İlk tur iyunun 30-da, kinci tur isə iyulun 7-də baş tutacaq.

Milli.Az
Xəbərlərimizi WhatsApp kanalımızdan da oxuyun