Dünya

“Gürcüstanda Qurban və Ramazan bayramlarına rəsmi status verilməlidir”

17 İyun 2024 22:46
Baxış: 625
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Gürcüstanda Qurban və Ramazan bayramlarına rəsmi status verilməlidir və bayram günləri qeyri-iş günü elan olunmalıdır".

Milli.Az AZƏRTAC-a istinadən xəbər verir ki, bu sözləri Gürcüstan parlamentinin müstəqil deputatı Tariel Nikaidze söyləyib.

Ölkə müsəlmanlarını Qurban bayramı münasibətilə təbrik edən deputat deyib ki, milli və dini azlıqların dini bayramlarına rəsmi status verilməsi və həmin günlərin qeyri-iş günü elan olunması üçün qanunvericilik təşəbbüsü qaydasında Gürcüstan parlamentinə müraciət edilib: "Hesab edirəm ki, Qurban və Ramazan bayramlarının Gürcüstanda rəsmi dini bayram günləri olaraq qeyd olunması ölkəmizdə yaşayan müsəlman vətəndaşların haqqıdır".

Onun sözlərinə görə, Gürcüstanda müsəlmanların heç bir bayramının rəsmi status daşımaması diskriminasiya hesab olunur. Bunun aradan qaldırılması üçün, üç ay bundan öncə dini azlıqların dini bayram günlərinin qeyri-iş günü olması ilə bağlı qanunvericilik təşəbbüsü hazırlanıb və parlamentə təqdim olunub.

"Müsəlmanları bu ölkədə kimsə ikinci dərəcəli görməməlidir. Biz bu ölkənin müsəlman vətəndaşlarıyıq və ümid edirik ki, təklifimiz müsbət qiymətləndiriləcək", - deyə T.Nikaidze vurğulayıb.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.