Dünya

Avropanın ən böyük akvaparkında güclü yanğın - Xəsarət alanlar var

12 Fevral 2024 23:25

Baxış: 588

#AVROPA

İsveçin ikinci ən böyük şəhəri olan Höteburqda inşa edilən "Oceana" akvaparkında güclü yanğın baş verib.

Milli.Az axar.az-a istinadən xəbər verir ki, yanğın tikinti işləri zaman başlayıb.

"Həyəcan siqnalı səsləndiyi an həmin yerdə 30-40 nəfər olub. Biz, əlbəttə ki, dərhal insanların evakuasiyasına, eyni zamanda, yanğını söndürməyə başladıq. Bu, plastiklə işlənmiş hündür binadır, buna görə də həm də güclü tüstülənmə baş verib", - "NCC" tikinti şirkətinin istismar üzrə meneceri Klas Lüppert bildirib.

On üç nəfərin yüngül xəsarət aldığı deyilir.

Qeyd edək ki, Avropada ən böyük akvapark olan "Oceana"nın tikintisi 1,2 milyard dollara başa gəlib. Onun 2024-cü ilin yayında istismara verilməsi planlaşdırılır.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ