Dünya

Ukraynalı nazir Azərbaycana təşəkkür etdi

31 Yanvar 2024 13:43
Baxış: 1 230
VTB-də minimal faiz dərəcəsi ilə nağd kredit 9.9%-dən
#UKRAYNA #UKRAİNE #HUMANİTAR

2024-cü ilin yanvar ayında Ukrayna Azərbaycandan növbəti humanitar yardım partiyasını, o cümlədən bərpa işləri üçün 25 partiya enerji avadanlığını qəbul edib.

Milli.Az Trend-ə istinadən bildirir ki, bu barədə Ukrayna Energetika Nazirliyinin rəsmi saytında məlumat dərc olunub.

"Tərəfdaşlarımıza bu yardıma görə minnətdarlığımızı bildiririk. Göndərilən avadanlıq Ukraynanın enerji şirkətləri tərəfindən rəqiblərin atəşinə məruz qalan obyektlərin bərpası üçün istifadə olunacaq. Görülən işlər enerji sisteminin stabil fəliyyətini dəstəkləməyə və istehlakçıların elektrik enerjisi və istilik təchizatına olan ehtiyacını qarşılmağa imkan verir", - Ukraynanın energetika naziri German Qaluşenko deyib.

Xatırladaq ki, yanvarın 11-də Ukrayna xalqına humanitar yardım göstərilməsi məqsədilə nəzərdə tutulmuş elektrik avadanlıqlarının növbəti hissəsi Sumqayıt Texnologiyalar Parkından yola salınıb.

Bildirilib ki, 25 TIR-dan ibarət yük avtomobili karvanı ilə yola salınan humanitar yardıma 677 min metrdən çox elektrik kabelləri və naqilləri, həmçinin, 22 ədəd komplekt transformator məntəqəsi daxildir.

Qeyd edək ki, ümumi məbləği 7.6 milyon ABŞ dolları olan sözügedən humanitar yardımın ilk hissələri 2023-cü ilin 30 oktyabr, 21 noyabr və 8 dekabr tarixlərində Ukraynaya göndərilib.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.