Dünya

Tufan 12 nəfərin ölümünə səbəb oldu

26 May 2023 22:21
Baxış: 1 289
VTB-də minimal faiz dərəcəsi ilə nağd kredit 9.9%-dən

Hindistanın qərbindəki Racastan ştatında tufan 12 nəfərin ölümünə, bir neçə sakinin itkin düşməsinə səbəb olub.

Milli.Az AZƏRTAC-a istinadən bildirir ki, mayın 25-dən başlayan tufan ştatın bir neçə rayonunda ciddi dağıntılar törədib. Ölüm halları şiddətli yağışın və güclü küləyin təsirindən evlərin və hasarların uçması nəticəsində qeydə alınıb. Ölü sayının artma ehtimalı var. Çünki təbii fəlakətin müşahidə olunduğu yaşayış məntəqələrinin hamısından məlumatlar daxil olmayıb.

Mülki müdafiə qüvvələri təbii fəlakətin fəsadlarının aradan qaldırılması işlərinə cəlb olunub. Evləri yararsız hala düşənlər çadırlarda yerləşdirilib. Tufan bir neçə yaşayış məntəqəsində kommunikasiya xətlərini, elektrik naqillərini qırıb. Bəzi yollarda su və palçıq axını səbəbindən hərəkət dayandırılıb.

Meteorologiya departamentinin məlumatına əsasən, küləyin sürəti saatda 96 kilometrə çatıb. Qurum bu cür hava şəraitinin 3-4 gün davam edəcəyini proqnozlaşdırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.