Dünya

Moskvada binaların damlarında hava hücumundan müdafiə sistemləri niyə yerləşdirilib? - FOTO

22 Yanvar 2023 13:31
Baxış: 1 134

Rusiyada binaların damlarında hava hücumundan müdafiə sistemlərinin quraşdırılması "informasiya əməliyyatı"nın tərkib hissəsidir.

Milli.Az oxu.az-a istinadən bildirir ki, Moskvada binaların damlarında bu qəbildən sistemlərinin yerləşdirilməsində məqsəd ölkə daxilində Ukrayna müharibəsinin uzun sürəcəyi ilə bağlı fikir formalaşdırmaqdır. Bu barədə Müharibənin Tədqiqi İnstitutunun (ISW) hesabatında bildirilib.

Analitiklərin fikrincə, Kreml Rusiyanın ekzistensial müharibə apardığına dair ictimai rəyi formalaşdırmaq cəhdlərini gücləndirir. ISW-dan diqqətə çatdırılıb ki, binaların damlarında "Pansir-S1" hava hücumundan müdafiə sistemlərinin görüntülərinin yayılmasında KİV və bloqerlər iştirak ediblər.

"Bəzi rusiyalı hərbi müxbirlər bu görüntülərə məmnunluqla reaksiya veriblər ki, moskvalılar, nəhayət, Rusiyanın Ukraynada "ağır müharibə"də iştirak etdiyini öyrənəcəklər", - deyə məlumatda qeyd olunub.

ISW-nun fikrincə, Rusiya hakimiyyəti iri şəhərlərdə hərbi texnika nümayiş etdirməklə Ukraynadakı müharibəni Rusiya cəmiyyəti üçün "daha ​​təhlükəli" kimi qələmə verməyə çalışır.

Milli.Az 

Məqaləyə dair fotomateriallar:

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics