Dünya

Mask Roqozinin hədələrinə cavab verdi: “Əgər ölsəm…” - FOTO

10 May 2022 10:06
0 Şərh     Baxış: 1 420
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Amerikalı sahibkar, "SpaceX" və "Tesla" şirkətlərinin sahibi İlon Mask Rusiyanın "Roskosmos" dövlət korporasiyasının rəhbəri Dmitri Roqozinin hədələrinə cavab verib.

Bununla bağlı o, özünün "Twitter" hesabından iki paylaşım edib.

Birinci tvitində o, Azov alayını müdafiə edib və bildirib ki, "nasist" termini Roqozinin başa düşdüyü mənanı vermir. Ekspertlərin fikrincə, biznesmen bununla "Roskosmos" rəhbərini Moskvanın fəaliyyətinə baxması ilə bağlı incə eyham vurur.

Milli.Az oxu.az-a istinadən xəbər verir ki, ikinci paylaşımda Mask Roqozinin təhdidlərinə istehza ilə cavab verib.

"Roqozin bunu Rusiya mediasına göndərib... Əgər mən müəmmalı şəraitdə ölsəm, sizi tanımaq xoş idi", - deyə o, bildirib.

Xatırladaq ki, rəqəmsal transformasiya naziri Mixail Fedorov fevralın 26-da İlon Maska müraciət edərək, peyk internetə çıxış üçün "Starlink" stansiyalarını Ukraynaya göndərməsini istəmişdi. Mask ertəsi gün təklifə razılıq verib , bir gün sonra isə - fevralın 28-də abonent qutularının ilk partiyasını ölkəyə göndərib.

"Starlink" kompleksləri mobil və ya stasionar əlaqə olmasa belə istənilən şəraitdə yüksək keyfiyyətli internet əldə etmək imkanı verir.

Roqozin buna görə amerikalı sahibkarı hədələyərək, Ukrayna qüvvələrini hərbi rabitə ilə təmin etdiyinə görə cavab verməli olacağını deyib.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.