Türkiyə

THY-nin təyyarəsində nasazlıq yarandı, sərnişinlər Bakıya gətirilir

5 Noyabr 2024 14:43

Baxış: 2 045

#TƏYYARƏ #TURK HAVA YOLLARİ AO

Bu gün günorta saatlarında Türk Hava Yollarına (THY) məxsus təyyarənin Gəncədən Türkiyəyə olan uçuşu təxirə salınıb.

Bu barədə Milli.Az-a sərnişinlər məlumat veriblər.

Sərnişinlərin sözlərinə görə, onları avtobusla Bakıya gətirirlər və növbəti uçuş gecə saat 4 təyin edilib.

"Avtobusla camaatı Bakıya gətirirlər və heç bir qidalanma və s. vermirlər. Uçuş da gecə saat 4-də olacaq".

Milli.Az-ın əldə etdiyi məlumata görə, "Turkish Airlines" aviaşirkəti tərəfindən İstanbul-Naxçıvan-Gəncə-İstanbul marşrutu üzrə uçuş həyata keçirilərkən, Naxçıvanda təyyarədə texniki nasazlıq yaranıb. Sərnişinlərin təhlükəsizliyini təmin etmək məqsədilə onlar Naxçıvandan Bakıya gətiriləcək və daha sonra aviaşirkətin Bakı-İstanbul reysi ilə təyinat nöqtəsinə yola salınacaq.

Aysel Əkbər
Milli.Az