Türkiyə

Bunu yoxlamaq üçün təftiş mexanizminin yaradılmasına təşəbbüs göstərəcəyik - Ərdoğan

18 Noyabr 2023 17:35

Baxış: 801

VTB-də minimal faiz dərəcəsi ilə nağd kredit 9.9%-dən

#DÜNYADA #TÜRKİYƏ #ISRAEL #RƏCƏB TAYYİB ƏRDOĞAN #SİLAH

Ankara İsrailin nüvə silahına malik olub-olmadığını yoxlamaq üçün təftiş mexanizminin yaradılmasına təşəbbüs göstərəcək.

Milli.Az Trend-ə istinadən bildirir ki, bunu Türkiyə Prezidenti Rəcəb Tayyib Ərdoğan Almaniyada jurnalistlərin suallarını cavablandırarkən deyib.

"İndiyədək mindən çox hüquqşünas Beynəlxalq Cinayət Məhkəməsinə bu hərbi cinayətləri sorğu-sual etmək və istintaq açmaq üçün müraciət edib və bu müraciətlər davam edir. Bu işin bir hissəsidir. Digər tərəfdən, İsrail Nüvə Silahlarının Yayılmaması Müqaviləsinin tərəfi deyil. Tərəf olmadığı üçün ilk növbədə onun qaydalarına tabe deyil. Amma üzv ölkələrin Beynəlxalq Atom Enerjisi Agentliyinə müraciət etmək və nüvə təhlükəsizliyi adı altında monitorinq mexanizmi tələb etmək imkanı var. İndi onu aktivləşdirəcəyik.

Orada idarə heyətini toplayıb bu tələblə bağlı qərar verəcəklər. Bu proses müəyyən vaxt aparacaq. Onlar İdarə Heyətinin qərarını Atom Enerjisi Agentliyinin ali orqanı olan Birləşmiş Millətlər Təşkilatının Təhlükəsizlik Şurasına göndərməlidirlər. ABŞ-nin İsrailin tərəfində durması və bu məsələyə veto qoyması mümkündür.

Bununla belə, bu məsələnin hətta bu əsasda mübahisəyə çevrilməsi çox böyük hadisədir. Rəsmi sənədlərdə ilk dəfədir ki, İsraillə bağlı belə bir müraciət qeydə alınıb. Bunun təkmilləşdirilməsi regionda strateji maraqların tarazlaşdırılması baxımından çox vacib məsələdir. Biz buradan təzyiq göstərməyə davam edəcəyik. Biz Türkiyə olaraq bu çağırışı edirik. İsrailin nüvə silahları çox gec olmadan şübhəsiz yoxlanılmalıdır. Biz bunu diqqətdə saxlayacağıq. Mən bütün dünyanı bu məsələni diqqətdə saxlamağa çağırıram", - Ərdoğan qeyd edib.

Milli.Az

Xəbərlərimizi WhatsApp kanalımızdan da oxuyun