“Qəbələ” 3-cü pillədəki yerini 3 qolla möhkəmlətdi

Azərbaycan Premyer Liqasında II dövrənin ilk turu davam edir.

Milli.Az apasport.az-a istinadən bildirir ki, bu gün VIII turun daha bir oyunu keçirilib.

Günün yeganə matçı "ASK Arena"da olub. Mövsümə gözlənilmədən uğurlu nəticələrlə başlayan və birinci dövrəni 3-cü pillədə tamamlayan "Qəbələ" uğursuz starta baxmayaraq, son üç turda aktivinə 7 xal yazdıran "Keşlə"nin qonağı olub.

Son 3 turda qələbə qazana bilməyən əyalət təmsilçisi bu tilsimi səfər matçında qırıb. "Qırmızı-qaralar"ın 3 qoluna qəsəbə təmsilçisi 2 topla cavab verə bilib. Stefan Vukçeviçin 69-cu dəqiqədə qırmızı vərəqə alaraq "Qəbələ"ni meydanda azlıqda qoyması da qələbəyə mane olmayıb.

"Zirə" bir gün əvvəl məğlub olduğundan, Elmar Baxşıyevin yetirmələri 3-cü pillədəki mövqeyini möhkəmlədiblər.

Qeyd edək ki, dünən keçirilən oyunlarda "Sabah" "Sumqayıt"ı (3:0), "Neftçi" "Zirə"ni (2:1) məğlub edib. Tura sabah baş tutacaq "Səbail" - "Qarabağ" (19:00) görüşü ilə yekun vurulacaq.

Azərbaycan Premyer Liqası
VIII tur
24 oktyabr (bazar)
16:00. "Keşlə" - "Qəbələ" - 2:3
Qollar: Aldair Neto, 38, Amil Yunanov, 90+7 - Ruan Renato, 23, Asif Məmmədov, 30, İsnik Alimi, 59
Qırmızı vərəqə: Stefan Vukçeviç, 69
Hakimlər: Vüqar Həsənli, Elşad Abdullayev, Eyyub İbrahimov, Kamal Umudlu
"Keşlə": 1. Stanislav Namaşko, 3. Tərlan Quliyev, 19. Azər Salahlı, 2. İlkin Qırtımov (k), 4. Şəhriyar Əliyev, 5. Kərim Diniyev, 11. Sadio Tounkara, 9. Anatole Abanq, 77. Merab Qiqauri, 72. Aldair Neto, 14. Turan Vəlizadə
Ehtiyat oyunçular: 85. Kamal Bayramov, 27. Əkpər Vəliyev, 8. Tural Axundov, 23. Nicat Qurbanov, 29. Amil Yunanov, 99. Rafael Məhərrəmli, 25. Con Kamara, 17. Omar Qudiabi, 50. Samir Abdullayev, 95. Rəhman Daşdəmirov
Baş məşqçi: Sənan Qurbanov
"Qəbələ": 94. Nicat Mehbalıyev, 19. Rövlan Muradov, 11. Asif Məmmədov (k), 28. Murad Musayev, 14. Ülvi İsgəndərov, 27. Məqsəd İsayev, 34. Urfan Abbasov, 8. Stefan Vukçeviç, 23. Rafael Utziq, 5. İsnik Alimi, 4. Ruan Renato
Ehtiyat oyunçular: 1. Kristof Atanqana, 36. Elməddin Sultanov, 6. Kamal Mirzəyev, 10. Omar Hani, 9. Fernan Lopes, 77. Emil Səfərov, 88. Gülağa Əsədov
Baş məşqçi: Elmar Baxşıyev
"ASK Arena"

Bombardirlər: Davit Volkov ("Zirə") - 5 qol, Ülvi İsgəndərov ("Qəbələ"), Filip Ozobiç ("Qarabağ") - 4 qol

Milli.Az